NIT-imit nutaarsiassat

NIT-ip nuannaarutigalugu Lars Jørgen Petersen atorfinitsinneqarnera matumuna nalunaarutigaa

Nuummi Illorsuit Timersortarffiit siunissami suliniutit eqqarsaatigalugit timersortarfiup qullersaqarfia ilalerneqarpoq tassunga atatillugu Lars Jørgen Petersen pisortap tullersortaatut decemberip aallaqqaataa aallarnerfigalugu atorfinitsinneratigut.

Lars Jørgen 34-inik ukioqarpoq Kalaallit Arsaattartut Kattuffiani allaffimmi aqutsisutut sulisimasoq tassanngalu allaffeqarfimmik ingerlatsinermik, assiliartalersuinermik suliaqarnernik, attaveqatigiinnermik kiisalu projektinik aqutsinermik misilittagaqarluni.

Lars Jørgen timersornerup silarsuaani ilisimaneqareerpoq taamatuttaaq timersortarfinni.

“Nuannaarutigaara Lars Jørgen-itut ittumik atorfinitsitsinitsinnik isumaqarama tulluartumik pissarsisimalluta.

Arlallit takusimaasimavaat Lars Jørgen isikkamik-arsaannerup tungaatigut ineriartortitsinerullu tungaatigut sunniuteqarluarsimasoq kiisalu saqqummilaarnerup tungaatigut arlalitsigut maluginiarneqarluarsimasoq. Suleqatiginissaanut qilanaarpunga.”

– Taamak oqaaseqarpoq Nuummi Illorsuit Timersortarfiit pisortaa, Jens Kristian Berthelsen.

Nuummi Illorsuit Timersortarfianit tikilluaqquarput neriuppuguttaaq tiguneqarluarumaartoq.